دوێنێ شه‌ممه 8/3 به ئاماده‌بوونی ژماره‌یه‌ك له هه‌ڤاڵان و ژنان له به‌رده‌م كۆمیته‌ی كفری، به بۆنه‌ی رۆژی 8ی مارس چه‌ند چالاكییه‌ك به‌ڕێوه‌چوو.
سه‌ره‌تا به وه‌ستان بۆ گیانی پاكی شه‌هیدان چالاكییه‌كه ده‌ستیپێكرد، هاوكات (شوكریه گه‌رمیانی-لێپرسراوی لقی گه‌رمیانی یه‌كێتی ژنان) وته‌یه‌كی پێشكه‌شكرد و وێڕای پیرۆزبایی رۆژی 8ی مارس به گرنگیه‌وه باسی له رۆڵی ژنان كرد له بواره جیاجیاكاندا، دواتر پێشانگه‌ی شێوه‌كاری (شێوه حسێن) كرایه‌وه كه تابلۆكان گوزارشتی له توانای ژنان ده‌كرد له‌وه‌ی له رێگه‌ی هونه‌ره‌وه ده‌توانن كاری گه‌وره و خزمه‌ت بكه‌ن، له كۆتایدا خه‌ڵات پێشكه‌شی ژماره‌یه‌ك له فه‌رمانگه‌ی شاره‌كه كرا كه رۆڵیان هه‌بووه له خزمه‌تی ژنان و بڵاوكردنه‌وه‌ی هۆشیار و كه‌مكردنه‌وه‌ی توندوتیژیی دژی ژنان.
حه‌یده‌ر ئه‌حمه‌د-كفری
