بێری غەریب
ب دیدەكا نوی، ب هێز و بەرەڤ پێشچوون و خزمەتگوزاریێ، ئەو حزبا ب درێژاھییا مێژوویێ د خەبات و تێكوشانێدا، ژ پێخەمەت رێزگرتن ل خەباتا هەڤالان و رێزگرتنا بیروبوچوونێن وان هەردەم ل پێش، بەرنامەیەكێ نوی بۆ هەمی ئورگانێن خوە پەیرەو دكەت. ئەگەر چ بارۆدوخێ حزبێ پشتی مرنا رەوانشاد مام جەلال بۆ دەمەكی ئالوزی و شلەژانی تێكەفت، بەلێ ب بەرنامەیێ حەكیمانەیێ سەرۆك بافل تالەبانی، شییا ئێك رێزییا هەڤال و كادر و لایەنگرێن یەكێتی نیشتیمانی كوردستان لێك خرڤەكەتەڤە و دوپاتكر، كو یەكێتی نیشتیمانی هەردەم پارێزەرێ گەلێ كوردستانە د هەمی ساتە وەختەكیدا و تشتێ بۆ من دڤێ دیدارێ دا گرنگ و جهێ ل سەر راوەستیانێ، بەشدارییا ژمارەكا بەرچاڤا ژنان و گەنجان بوو، ئەڤە ژی بەلگەیە بۆ سیستەمەكێ نویاتییێ دناڤ حزبێ دا و ئەڤا سەرنجا مە ژنان و گەنجان ژڤێ دیدارێ راكێشایی ژی، ئەوا دناڤ لیژناندا دھاتە دیتنێ، گرنگیەكا ئێكجار زور ب دیدو بوچوون و پێشنیارێن مە دھاتەدان و دڤێت ئەڤ كریارێن هەنێ بهێنە جێبەجێكرن، ژبەركو یەكێتی نیشتیمانی كوردستان حزبەكە و كاریگەریا خوە ددەڤەرێ دا هەیە و ب تایبەت ل عیراقێ و هەرێما كوردستانێ و د هەر حزبەكێدا ئەگەر نوویاتی هەبیت، ب پشت راستی دێ خزمەتكرن ژی هەبیت و ئەڤە ژی هەر ب ئێكەتیێ دهێتەكرنێ و دڤێ دیدارێ دا بەرنامەیەكێ توكمە ھاتبوو دارشتن بۆ گورانكاریێن هەیكەلێ مودێرنێ حزبێ و ئورگانێن وێ و تشتێ دیێ بالكێش بۆ من وەك ژنەك و دەھان گەنجێن دی كو دیدەڤانیا ڤێ دیدارێ دكرن ئەو بوو، ئینانە پێشا گەنج و ژنانە، وەك ئەم دزانین گەنج سامانێ نیشتیمانینە و داھاتوویێ ڤی نیشتیمانینە و ژن دكارێن خوەدا دلسوز و میھرەبانترن، گەندل نینن د رێڤەبرنێدا و ئەو ئەركێ ب وان دهێتە سپاردنێ و ئەڤە ژی ئاماژەیێن دلخۆشكەرن كو ئەنجامێن باش و دلخوشكەر نە بتنێ بۆ ئەندام و لاپەنگرێن یەكێتی نیشتیمانی ژڤێ دیدارێ دەركەڤن، بەلكو بۆ تەڤایا خەلكێ هەرێما كوردستانێ و ئەوێن چاڤدێریا رەوشا سیاسی دكەن و لھیڤیا وێ چەندێ حزبێن مە گوھورانكاریان د بەرنامێ خوە یێ سیاسی و چاكسازیان دا بكەن، ژبۆ پاشەرۆژەكا گەشتر بۆ ڤی خەلكێ ماندیبوویی.
