جڤاتا رەوشەنبیری یا شنگالێ فێستیڤالا خوە ئێكێ یا رەوشەنبیری ل مالا پێكڤە ژیانێ ل ناحیا سنونێ دگێریت. لدوور ڤێ فێستیڤالێ (هەوار كەمال)، كو ب خواندنا شعرەكێ بەشداری ڤێ چالاكیێن وێ بووی، گوت: «جڤاتا رەوشەنبیری یا شنگالێ ل رۆژێن 25و26ی نیسانێ رابوون ب گێرانا فێستیڤالا خوە یا ئێكێ و ئەڤ سالە ل ناحیا سنونێ یا سەر ب قەزا شنگالێ ڤە هاتە گێران و ئەڤ فێستیڤالە (كەلتوری، هونەری، هونەرێ دەنگبێژیێ و هەم ژی هونەرێ سەردەم)ە و دگەل ڤان برگەیان، ژ دەڤەرێن عیراقێ یێن جوداجودا هەلەبەستڤانان شعرێن خوە خواندن و دگەلدا ژی پیشانگەهەكا پەرتووكان و ئێكا شێوەكاری ژی هەبوو».
