نارین محەمەد
رێكخستن پلەیەکا گەلەک بلندە و ل گەل هندێ ژی، نە هند یا سڤک و ب ساناهییە فێر بییێ. هندی کو من جهێن خۆ یێن تایبەت هەبووین و ئەز و خووشکێن خۆ بەری چەند سالان ل بن ئێک بەتەنی نەنڤستین، من حەز هەبوو و من دڤیا دەمێ سپێدەهیێ ژ خەو ڕادبم، ئێکسەر جهێن خۆ ڕێک بێخم و پشتی من ئەو جهە وەکی خۆ نەمیننە دانایی و ئەز ژ وێرێ بچم، ئەگەر خۆ نە دەمێ من با ژ خەو ڕاببم یان کارەک چێ بووبا و من زانیبا دێ پێدڤی بێهنڤەدانەکا کێم بم، پشتی نیڤرۆ هەر من نەدشیا بهێلم و ڕابم و ڕێک نەئێخم ئەڤە نە شانازییەکە بۆ تە دبێژم، بەلکو ئەو گاڤا ئەز ڕادبووم من نەدڤیا جهێن من هەر دانایی و بێسەروبەر بن، بەردەوام من داخوازا باشتربوونێ د لاڤایێن خۆدا دکر ل گەل خودێ و تشتەکێ ئاسایی بوو، ئانکو من چ گرنگی ب ڕێکخستنا جهان نەددا.
من نەدڤیا جهێن من هەر دانایی و بێسەروبەر بن، بەردەوام من داخوازا باشتربوونێ د لاڤایێن خۆدا دکر ل گەل خودێ و تشتەکێ ئاسایی بوو، ئانکو من چ گرنگی ب ڕێکخستنا جهان نەددا
من نەدزانی ئەڤ ڕەفتارە دێ کارتێکرنێ ل من کەت، ل گەل بۆرینا دەمی مرۆڤ پتر خۆ دناسیت و تە دڤێت تو وان ڕەفتارێن تە هەین دووڤچوونەکێ بۆ بکەی، کا دێ پێش ئێخی یان دەستان ژێ بەردەی...
ڕۆژ بۆرین و پشتی ماوەیەکی من بابەتەک ل سەر هندێ خواند و بۆ من دیار بوو، کو ئەڤە کارەکێ گرنگە مرۆڤی هەبیت، ئەگەر نەبیت بزاڤان بکەت ل نک خۆ پەیدا بکەت، ژ بەر کو ئەو ئەنجامێن مەزن د دووڤ خۆدا دئینیت، هەتا ڕادەیەکی یا هاریکارە دەمێ هەر ئەزموونەکا ژیانێ بۆ تە چێ بوو، ژ بلی ڕێکا نڤستنێ چ دی نەبینی و بچی بنڤی یان بێزار ببی؛ هاریکارەکە نەچی و بنڤی، د هندەک دەمێن بەرتەنگدا دەلیڤە دهێنە هەبوونێ، لێ تو یا نڤستی ژ بەر دودلییا خۆ و هەتا تو ژ خەو هشیار دبی، کو ئەو دەلیڤەیە بەرزە بوویە. دڤێت بزانی، هەر ڕەفتار و هزر و کریارەکا تو دکەی، هەمی کارتێکرنن و ئەگەر نوکە تو هەست پێ نەکەی ژی و قەبارێ مەزنێ كارتێكرنێ ب چ ڤە وەرنەگری، لێ دێ رەنگڤەدانا خوە ل سەر ژیان و رەفتارێن تە هەبیت.
