یاسەمین سادق سلێمان
قوناغا زارۆكینیێ ب قوناغەكا هەستیار دهێتەزانینێ، تایبەت بۆ دەیبابان و بەرپرساتییا وان د پەروەردەكرنا زارۆكێن واندا هینگێ دەستپێدكەت، بگرە هەر ژ قوناغێن ئێكێ یا تەمەنی و ئەڤ سالێن دەستپێكی یێن زارۆكی گەلەك د هەستیارن، كو تێدا لایەنێن دەروونی و هەستیاری دروست دبن، ئەڤجار رویبرویبوون بۆ ڤان ترۆمان بۆ ڤێ قوناغێ كاریگەریەكا دومدرێژ ل سەر تاكی لدویڤ خوە دهێلیت.
پرانیا زانایان بۆ وێ چەندێ دچن، كو هەر پێنج سالێن دەستپێكی یێن زارۆكینیێ گەلەك گرنگیا خوە هەیە و هەر تشتەكێ نە چاڤەرێكری وی دەمی روی بدەت، دگەل ویدا دمینیت و باشترین نموونە ژی بۆ ڤێ چەندێ ئێك ژ هەرە بەرنیاسترین كوژەكانە ب ناڤێ (جون ویگنسی)
پرانیا زانایان بۆ وێ چەندێ دچن، كو هەر پێنج سالێن دەستپێكی یێن زارۆكینیێ گەلەك گرنگیا خوە هەیە و هەر تشتەكێ نە چاڤەرێكری وی دەمی روی بدەت، دگەل ویدا دمینیت و باشترین نموونە ژی بۆ ڤێ چەندێ ئێك ژ هەرە بەرنیاسترین كوژەكانە ب ناڤێ (جون ویگنسی) كو ژمارەكا مەزنا تاوانان ئەنجامدا، ئەگەر ژی كو د زارۆكینیێ دا دەیك و بابێن وی گەلەك ل سەر وی د دژوار بوون و توشی چەندین گرفتان بوو، ژوان ژی دەستدرێژییا جەستەیی ل سەر هاتە كرنێ و ئەڤێ چەندێ كاریگەریەكا مەزن ل سەر وی و دەروونێ وی دروست كر و نزیكی (33) تاوان ئەنجامدان. كو ئەو تاوانە هەمی ژی بۆ شێوازێ پەروەردەكرنا وی دزڤرن و بێگومان ئەگەرێن خوە یێن تایبەت هەنە، كو نەشێت ژبن ڤێ بارگرانیێ رزگار بیت و شوینا ببیتە كەسەكێ باش و مفایی ل خوە و دەردوورێن خوە بكەت، دێ بیتە كەسەكێ خرابكار و هەر چ زیانێن هەبیت دێ گەهینتە دەردوورێن خوە و خۆ كەسێن نزیكی وی ژی ژڤێ چەندێ قورتال نابن و ئەڤە ژی بۆ وان كێماسییان دزڤرن، ئەڤێن دوان پێنج سالاندا دژیانا ویدا دروست بووین و كەس بۆ وی نەبوویە هاریكار كو ب دەستپێكەكا دروست بهێتە پەروەردەكرن.
وەك مە گوتی، دەما قوناغا زارۆكی ل سەر ئاڤاكرنەكا باش بیت و دروست هاتبیتە پەروەردەكرن، د قوناغا سنێلەیێ ژی دا ئەڤ زارۆكێ هەنە دێ هەلگرێ سالوخەتێن باش بیت و دێ شیانێن رێكخستنا ژیانا خوە هەبن و دێ شێت ب رەنگەكێ گونجایی خوە دگەل دەوروبەرێن خوە گونجینیت و نە بۆ خوە و نە بۆ خێزان و دەیك و بابێن خوە و نە ژی بۆ دەوروبەرێن خوە نابیتە جهێ نەخوشیێ و بێزاریێ.
