خالید شوانی، وەزیری دادی عیراق، رایدەگەیەنێت، کلیلی چارەسەری کێشەی مووچەی هەرێمی کوردستان پابەندبوونە بە رێککەوتنەکانی نێوان حکومەتی فیدراڵ و هەرێم.
شوانی جەختیکردەوە، پێویستە دۆسێی نەوت لە مووچەی فەرمانبەران جیابکرێتەوە کە مافێکی دەستوورییە و راگرتنی مووچەی بە بڕیارێکی نالۆجیکی ناوبرد.
ئاماژەی بەوەشکرد، هەڵوێستی سەرۆک وەزیرانی عیراق ئەرێنییە بۆ چارەسەرکردنی کێشەکە، تاوەکو مووچەخۆران بێ مووچە نەبن.
