ئارۆ سامان
رەعد مغامس سەرۆكی لیژنەی كشتوكاڵ و كاروباری جووتیاران لە ئەنجومەنی پارێزگای دیالە بە كوردستانی نوێی راگەیاند: وەزارەتی كشتوكاڵی عیراق بڕیاریداوە لە دەرەوەی پلانی خۆی بە مەبەستی ئاسانكاری و بەفیڕۆنەچوونی رەنجی جووتیاران، بەرهەمی گەنمی 13 ناوچەی تر لە سنووری دیالە وەربگرێت.
وتیشی: ژمارەی كۆگاكانی دیالە سنووردارە، لەبەرئەوە گەنمی وەرگیراوی ئەو 13 ناوچەیە رەوانەی كۆگاكانی بەغدا دەكرێت، ئەوەش هاندەرێكی باشە بۆ جووتیاران بۆ پەرەپێدانی كشتوكاڵەكەیان.
