ئەنتۆنیۆ گۆتیرێس ئەمینداری گشتیی نەتەوەیەكگرتووەكان، لە وتاری دەستپێكی كردنەوەی خولی 77ی كۆمەڵەی گشتیی نەتەوەیەكگرتووەكاندا، ستایشی رێكەوتننامەی تایبەت بە گواستنەوەی دانەوێڵەی ئۆكرانیا دەکات لە رێگەی دەریای رەشەوە.
لە وتارەكەیدا، گۆتیرێس رایگەیاندووە: هەندێك كەس رێكەوتنەكە بە «موعجیزە» ناودەبەن، بەڵام ئەم رێكەوتنە موعجیزە نییە، بەڵكو دەرئەنجامی هەوڵی دیپلۆماسیی فرەلایەنەیە، دەشڵێت : كۆبوونەوەی روسیا و ئۆكرانیا بۆ ئەو مەبەستە بووە كە كەشتییەكان بە سەلامەتی و بەبێ كێشە بە ناوچەی جەنگدا رەتبن.