باشترین هەشت كچە یاریزان بەشداریی دەكەن

ئەمڕۆ دوو شەممە دوا پاڵەوانێتیی تێنسی سەرزەوی كچان دەستپێدەكات كە پاڵەوانێتیی كۆتاییەكانی رابیتەی كچە یاریزانە موحتەریفەكانی جیهانە.
ئەم پاڵەوانێتییە بە پاڵەوانێتیی كۆتایی ساڵ ناو دەبرێت و باشترین 8 كچە یاریزانی جیهانی لە دوا ریزبەندییدا بەشداریی تیادادەكەن، یارییەكانیش لە فۆرت وۆرسی ویلایەتی تەكساسی ئەمریكا بەڕێوە دەچێت و كۆی بڕی خەڵاتەكانیشی 5 ملیۆن دۆلارە.
ئەو هەشت كچە یاریزانەش بەمشێوەیە بەسەر دوو گروپدا دابەشكراون:
*گروپی یەكەم؛ (جیسیكا بیگۆلا-ئەمریكا، مارییا ساكاری-یۆنان، ئونس جابر-تونس، ئارینا سابالینكا-بیلۆ روسیا)
*گروپی دووەم؛ (ئیگا شڤیۆنتیك-پۆڵەندا، كوكو گۆف-ئەمریكا، كارۆلین گارسیا-فەرەنسا، دارییا كاساتكینا-روسیا).
سیستمی یارییەكان بە جۆرێكە كە یەكەمی هەر گروپێك لەگەڵ دووەمی گروپی بەرامبەر یاریی پێش كۆتایی دەكەن و براوە لەم دوو یارییشەوە رۆژی 7/11/2022 یاریی كۆتایی دەكەن، شایانی باسە ساڵی پار گابرین مۆگۆرۆزای ئیسپانی پاڵەوانی ئەم پاڵەوانێتییە بووە.