بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە موحسین مەندەلاوی، جێگری یەکەمی سەرۆکی ئەنجوومەنی نوێنەرانی عیراق کرد.
لە دیدارێکدا گفتوگۆ لەبارەی هەماهەنگی و هاریکاریی نێوان دامەزراوە دەستوورییەکانی عیراق و بەردەوامی هەوڵەکان کرا بۆ پارێزگاریکردن لە مافەکانی هەموو گەلانی عیراق و راپەڕاندنی ئەرکە نەتەوەیی و نیشتمانییەکان.
سەرۆک بافڵ جەلال تاڵەبانی ستایشی رۆڵی ئەرێنیی ئەنجوومەنی نوێنەرانی کرد لە بەرامبەر پڕۆژەیاسای بە پارێزگابوونی هەڵەبجە و هیوای خواست کۆدەنگییەکی نیشتمانی سەبارەت بەم پرسە گرنگە بێتە ئاراوە و پشتگیری لێبکرێت.
لەبارەی خوێندنەوە بۆ پڕۆژەیاسای بودجە و پەسەندکردنییەوە، سەرۆک بافڵ رایگەیاند، پەسەندکردنی بودجە و گەرەنتیکردنی مافەکانی کورد لە یاساکەدا، هەنگاوێکی گرنگ دەبێت بۆ سەقامگیریی سیاسی و ئابووری لە وڵات و هەڵدانەوەی لاپەڕەیەکی نوێ بۆ هەماهەنگی و کاری پێکەوەیی لەپێناوی بونیادنانی داهاتوویەکی گەشتر.
