پێویستە چیتر کاری زیاتر بکرێت بۆ خزمەت کردنی کوردستان و سەرجەم شارەکان بەبێ جیاوازی
34 ساڵە هەولێر ئازاد کراوە، 11/3 لە مێژووی خەباتی کوردا رۆژێکی مێژووییە، چونکە کورد لە هەولێر پێینایە قۆناعێکی نوێ، کەوتە ڕۆژگاری ئازادییەوە، ئازادییەک کە ساڵەھا بوو چاوەڕێی بوون .
34 ساڵ بەر لە ئێستا بە رابەرایەتی یەکێتی نیشتیمانی کوردستان لە رانییەی سەربەرزەوە ئاگری راپەرین پریشکی وەشاند بۆ سەرجەم شارو شارۆچکەکانی کوردستان، هەولێریش بریاریدا 11/3/1991 لەدژی حکومەتی بەعس راپەریین بکەن و ئازادی وەرگرن، ئێستاش بەرهەمی ئەو ئازادییەیە.
لە 11/3 سەرجەم چین و توێژەکانی هەولێر بە کورد و تورکمان و کلدانی و سریانی و ئاشوری شانبەشانی ھێزەکانی پێشمەرگە بەرامبەر رژێمی دکتاتوری بەعس ھاتنە دەنگ و بە هەموو یانەوە ھاواریان کرد نا بۆ چەوساندنەوە، کە حکومەتی ئەو کاتەی بەعس کاری درندانەی بەرامبەر بە کورد ئەنجامدەدا، بۆیە هەولێریش دەنگی بڵند کردو زۆر بە زووی سەرجەم دام و دەزگاکانی حکومەتی بەعسی گردە دەست و ئەوان وەردەرنا ئەوەش وەرچەرخانێکی گرنگ بوو.
هەولێر شاری قەڵاو منارە، شارە خۆشەویستەکەی کوردستان، شارێک کە هەمیشە جێی خەبات و تێکۆشان بووە، ئێستا کەیادی راپەرینەکەی دەکەینەوە زۆر دڵ خۆشین کە ئەو حکومەتە داپڵۆسێنەرە نەماوە، بەڵام پێویستە چیتر کاری زیاتر بکرێت بۆ خزمەت کردنی کوردستان و سەرجەم شارەکان بەبێ جیاوازی، ئەو حکومەتەی ئێستا هەمانە لە سایەیی خوێنی شەھیدانی و قوربانیانی راپەرینەکەی کوردستانەوە بووە دەبێت ئەم دەستکەوتانە وەک بیلبیلەی چاومان بپاریزین، دەبێت کار بکرێت تا چیتر راپەرین دژی کورد ئەنجام نەدرێت.
