داهاتی مانگی رابردووی نەوت ئاشکرا دەکرێت

وەزارەتی نەوتی عیراق داھاتی ھەناردەی نەوتی مانگی حوزەیرانی راگەیاند، کە زیاتر لە حەوت ملیار دۆلارە.
وەزارەتەکە لە راگەیەنراوێکدا ئاشکرایکردووە، لە مانگی حوزەیراندا، رۆژانە سێ ملیۆن و 335 ھەزار بەرمیل نەوت ھەناردەکراوە کە کۆی گشتی دەکاتە  100 ملیۆن و 59 ھەزار و 52 بەرمیل نەوت.
ئاماژەی بەوەشکردووە، لەو بڕە زیاتر لە 98 ملیۆن و 725 ھەزار بەرمیلی لە کێڵگەکانی ناوەڕاست و باشوورەوە ھەناردەکراوە، زیاتر لە ملیۆنێک و 33 ھەزار بەرمیلیشی لە گەیارەوە ھەناردەکراوە.
وەزارەتی نەوتی عیراق دەڵێت، داھاتی نەوت لەمانگی رابردوودا حەوت ملیار و   115 ملیۆن دۆلار بووە تێکڕا ھەر بەرمیلێک بە 71 دۆلار و 11 سەنت فرۆشراوە.