برایەتی بوو بە پاڵەوانی خولی جامی کوردستان

09:41 - 2022-05-11
وەرزش
72 جار خوێندراوەتەوە

ستادیۆم

رۆژی چوار شەممە 11/5/2022 لە یاریگای کۆیە، هەردوو تیپی یانەکانی برایەتی و نەورۆز یاریی کۆتایی خولی جامی یانەکانی کوردستانیان کرد، سەرنجام یارییەکەش بە بردنەوەی تیپی یانەی برایەتی کۆتاییهات و جامی پاڵەوانی ئەم خولەی بەرزکردەوە.
یارییەکە لە هەردوو کاتی یاسایی و زیاد کراودا بەبێ گۆڵ کۆتاییهات، دواتر بۆ یەکلا کردنەوەی ئەنجام، پەنا برایە بەر لێدانی پێنج پەنالتی و برایەتی توانی 4-3 براوە بێت و جامی پاڵەوان بەرز بکاتەوە.
لەم خولەی کوردستاندا، تیپی41  یانەی کوردستان، 16 تیپی پلە نایاب، 19 تیپی پلە یەک و 6 تیپی پلە دووی یانەکانی کوردستان بەشدارییان کرد.
یارییەکانی خولەکەش بەسیستمی چوونە دەرەوە بە یەک دۆڕاندن لە ماوەی 5 مانگدا لە سەرتاسەری کوردستان بەڕێوە چوون.
بۆ یەکەم جاریش بوو خولی جامی هەرێمی کوردستان بەو شێوازە و بە بەشداریی ئەو ژمارە زۆرەی یانەکانی کوردستان رێکبخرێت.
هەریەک لە یانەی برایەتی لە شاری هەولێر و یانەی نەورۆز لە شاری سلێمانی توانیان بگەنە یاری کۆتایی و دواجار برایەتی بوو بە پاڵەوانی ئەم خولەی کوردستان.


بابەتە پەیوەندیدارەکان