بڕیارە بۆ یەکەمجار، بەشی ئەندازیاری کۆمپیوتەر لە كۆلێجی ئەندازیاری لە زانكۆی سلێمانی بكرێتەوە.
بەشەکە خوێندکار لەبواری سۆفتوێر و هاردوێری کۆمپیوتەردا پێدەگەیەنیت، بە جۆرێک کە توانای چارەسەرکردنی سستمە ئاڵۆزەکانی کۆمپیوتەریان هەبێت و بڕیارە بۆ بەیانیان و ئێواران خوێندکار وەربگرێت.
یەکێک لە گرنگیپێدانەکانی ئەم بەشە، زیرەکی دەستکرد دەبێت، کە ئێستا بوارێکی گرنگ و نوێی تەکنەلۆژیایە و هەموو جیهان کاری لەسەر دەکات. ئەمەش لە کاتێکدایە، هەر لە زانکۆی سلێمانی، خوێندنی ئێوارانی چەند بەشێکی کۆلێژە جیاجیاکان دەکرێتەوە.
