بەڕێزان خانەوادەی شاعیری گەورە و ناسراو (موزەفەر نەواب)
بە خەمێکی قووڵەوە هەواڵی کۆچی دوایی شاعیری گەورە و ناسراوی عیراق (موزەفەر عەبدولمەجید ئەلنەواب)مان پێگەیشت. بۆ ئەم لەدەستدان و خەمە گەورەیە پرسە و هاوخەمی خۆمان ئاڕاستەی خانەوادە، هاوڕێیان و نووسەرانی عیراق دەکەین.
ئەو رۆشناییەی عیراق وەک ئەوەی سەرۆک مام جەلال ناوی لێنابوو لەیادناکەین. سەری رێز بۆ شیعرە نەمر و هەڵوێستە سیاسییەکانی دژی زوڵم و ستەمی رژێمی بەعس دادەنەوێنین و بۆ هەمیشە لە یادەوەریماندا بەزیندوویی دەمێنێتەوە.
درود بۆ گیانی ئەو قەڵەمە گەورەیەی مێژووی ئەدەبیاتی عیراق دەنێرین و لەخوای گەورە داواکارین بە بەهەشتی بەرینی شاد بکات.
دڵسۆزتان
بافڵ جەلال تاڵەبانی
٢٠ی ئایاری ٢٠٢٢