داوەرانی ژن مۆندیال بەڕێوەدەبەن

10:32 - 2022-05-22
وەرزش
97 جار خوێندراوەتەوە

لیژنەی داوەرانی یەكێتی نێودەوڵەتی تۆپی پێ لیستی ئەو داوەرانەی بڵاوكردەوە كە دیاركراون بۆ بەڕێوەبردنی یارییەكانی مۆندیالی 2022ی قەتەر و چەند داوەرێكی ژنیش ناویان لە لیستەكە دا هاتووە.
فیفا رایگەیاند 36 داوەر و 69 یاریدەدەری داوەر و 24 داوەری ژووری ڤار لە هەر شەش كیشوەرەكە دیاریكراون بۆ بەڕێوەبردنی یارییەكان.
بۆ یەكەم جاریش لە مێژوودا ناوی سێ داوەری ژن دیاریكراون بۆ بەڕێوەبردنی یارییەكانی مۆندیال كە پێكهاتون لە ستیفانی فرابارتی فەرەنسی و سالیما موكاسانگای رواندی و یۆشیمی یاماشیتای ژاپۆنی، لە پاڵ ئەوانیشدا هەریەك لە نویزا باكی بەرازیلی و كارین دیاز میدینای مەكسیكی و كاسرین نیسیبتی ئەمریكی وەكو داوەری یاریدەدەر بەشداردەبن.

بابەتە پەیوەندیدارەکان