شەش ساڵ لەمەوبەر، دوای ئازادکردنی دوایین ناوچەی کە لە لایەن تیرۆرستانی داعشەوە داگیرکرابوو، سەرکەوتنی کۆتایی بەسەر ئەو رێکخراوە تیرۆرستییەدا راگەیەنرا.
لەپێناوی ئەم سەرکەوتنە مێژووییە بەسەر تیرۆردا، گەلی کوردستان و عیراق قوربانییەکی زۆریان بەخشی و ئەنجامی ساڵانێکی زۆر جەنگ و دەیان هەزار شەهید و بریندار بوو.
بێگومان لە یەکەم رۆژەوە، وڵاتانی دراوسێ و هەرێمی و جیهان هاوکاری مرۆیی و سەربازییان گەیاندە دەست هێزە کوردیی وعیراقییەکان بۆ رووبەڕووبونەوەی داعش، هاوپەیمانان پشت و پەنایەکی بە‌هێز بوون لەو جەنگەدا، بەڵام ئەوەیرڕاستییە و دەبێت هەموان درکی پێبکەن ئەوەیە کە سەرکەوتن لەو جەنگە سەپێنراوەدا، ئەنجامی یەکگرتوویی و یەک هەڵوێستی بوو، ئەوەشی بۆ سەلماندین کاتێک دەستمان لەناو دەستی یەکە، هیچ دوژمنێک توانای ئەوەی نییە بەرامبەرمان بوەستێت.
بە شانازییەوە هێزی دژەتیرۆر – CTG قارەمانانە توانی لەو جەنگەدا خۆی بسەلمێنێت و ببێتە سەرە رمی هێرشەکان و قەڵغانی پاراستنی کوردستان، رۆژێک لە هەولێر و رۆژێک لە کەرکوک، تا دەگاتە مەخمور و جەلەولا و خانەقین و دەیان ناوچەی دیکە، دژەتیرۆر هەردەم لە ئامادەباشیدابووە بۆ قوربانیدان لەپێناوی پاراستنی خاکەکەمان لە دەستی نەیارانی ژیان و ئاشتی.
دەست بە سنگەوە دەگرین بۆ سەرجەم شەهیدانی دەستی تیرۆر و لە خودای گەورە داواکارین شیفا بۆ برینداران و شەهیدە زیندووەکان بنێرێت.
بەڕێوەبەرایەتیی گشتیی دژەتیرۆر
