بەپێی بەڵگە مێژووییەکان، کەرکوک و خانەقین و شار و شارۆچکەکانیان ناوچەی کوردستانین و ھەزاران ساڵە کورد لەسەر ئەم خاک و ئاوە ژیاوە، کەرکوک پایتەختی ویلایەتی شارەزوور بووە، کەرکوک و ناوچەکانیتری ئێستا پێی دەوترێت ناوچە کوردستانییەکانی دەرەوەی ھەرێمی کوردستان، لە ھیچ سەردەمێکدا کورد دەستبەردارییان نەبووە.
بۆیە لەم سەردەمەشدا کورد بەخوێنی خۆی بەرگری لە ناسنامە و شوناسی خۆی کردووە و دەشیکات.
گرنگە لەم کاتەدا و لەم ھەڵبژاردنەدا کورد ئەنجومەنی پارێزگاکان بکاتە سەنگەری بەھێزی بەرەنگاربوونەوەی بەعەرەبکردن و پاراستنی ناسنامەی نەتەوەیی خۆی.
لە پێش ھەموانەوە رۆشنبیران و نووسەران و ھونەرمەندان و وەرزشەوانان ببنە سەرمەشقی پاراستنی ئەو ناسنامە و بەدەنگەکانتان، رۆحی ئازاد ھەورامی و ھەزاران شەھیدی تری گیان بەختکردوی سەر ئەم خاک و خۆڵە شاد بکەن.
