بەرپرسێکی پارتی لە کەرکوک رایدەگەیەنێت، یەکێتی لیستی یەکەمە لە کەرکوک و دەبێت ئەو پارێزگار دیاری بکات.
محەمەد کەمال، بەرپرسی لقی پارتی لە کەرکوک لە لێدوانێکی رۆژنامەوانی رایگەیاند، ئەو یاسایەی هەڵبژاردنی پێکراوە لە کەرکوک باسی تەوافوقی پێکهاتە و لایەنەکان دەکات. لیستی یەکەم یەکێتییە و دەبێت ئەو پارێزگار دیاری بکات. دواتر دابنیشێت لەگەڵ پارتی و لایەنەکانی تر بۆ دابەشکردنی پۆستەکان.
