پارێزگاری هەڵەبجە رایدەگەیەنێت، لە مانگی 8ی پارەوە، فەرمانی بەقەزابوونی خورماڵ دەرچووە، بەڵام پێویستە رێکارە یاساییەکانی تەواو بکرێت.
ئازاد تۆفیق، پارێزگاری هەڵەبجە لە کۆنگرەیەکی رۆژنامەنووسیدا رایگەیاند، حکومەتی هەرێم و هەموو هێزە سیاسییەکان پشتگیری بە قەزابوونی خورماڵ دەکەن و ئەوەی ماوە ئەوەیە کە رێکارە یاساییەکانی بگیرێتە بەر، کە ئەویش پێویستی بودجەی تایبەت هەیە".
پارێزگاری هەڵەبجە وتیشی، "پێویستە چەندین فەرمانگە لە خورماڵدا بکرێتەوە و 300 تا 500 کەسی بە گرێبەست بۆ دابمەزرێنرێت، ئەمەش بەهۆی قەیرانی داراییەوە پڕۆسەکەی دواخستووە، بەڵام هیوادارین نەگاتە شەش مانگی داهاتوو، بە قەزابوونی خورماڵ بەچاوی خۆمان ببینین".
