دەزگای کەشناسیی عیراق رایگەیاند، لە سبەینێ هەینییەوە پلەی گەرما بەرزدەبێتەوە و لە ھەندێک ناوچەش دەگاتە 50 پلە.
بە پێی پێشبینییەکانی کەشناسی لە ھەینییەوە پلەکانی گەرما لە شارەکانی عیراق بەرزدەبنەوە و لە ھەندێک ناوچەی باشوری عیراق پلەی گەرما دەگاتە 50 و سەرەتای ھەفتە پلەکانی گەرما جارێکی دیکە نزم دەبنەوە.
کەشناسی ئاماژەی بەوەش کردووە، ئەگەری خۆڵبارین ھەیە لە ھەندێک ناوچەی عیراق بەڵام بەھۆی لاوازییەکەیەوە ھیچ کاریگەرییەکی نابێت.
