بە هۆی رێژەی گونجاویی باران بارین لە هەرێمی کوردستان لە زستانی ئەمساڵدا، ئاستی ئاوی بەنداوەکان بەڕێژەیەکی بەرچاو زیادی کردووە.
هەر لەو چوارچێوەیەدا، سامان ئیسماعیل بەڕێوەبەری بەنداوی دەربەندیخان، رایگەیاند: رێژەی ئاوی بەنداوەکە، بەشێوەیەکی بەرچاو زیادی کردووە، بە جۆرێک تەنیا 90 سانتیمەتری ماوە بۆ پڕبوون.
هەروەها وتیشی: ئاستی ئاوی ئەو بەنداوە، بەراورد بە ساڵی رابردوو 10 مەتر زیادی کردووە.