لە درێژەی هەڵمەتەکانی دەستگیرکردنی تاوانکاران و هەڵهاتوان لە یاسا، پاش نیوەڕۆی ئەمڕۆ شەممە ( 11/6/2022) ھێزەکانی ئاسایشی سلێمانی لەسەر فەرمانی بەڕێز دادوەر لە گوندی وێڵەیەر نزیک شاری سلێمانی ئەرکی خۆیان جێبەجێکرد کە فەرمانی دەستگیرکردنی تۆمەتبارێکی هەڵهاتوو بوو بە ناوی ( ک ،ص،أ) کە داواکراو بوو بەپێی ماددەی (405 / 31 ) لە یاسای سزادان و پێشتر چەندین جار لە هەوڵی دەستگیرکردنیدا تەقەی لە هێزەئەمنییەکان کردووە و هەڵهاتووە، ئەم جارەش لە هەوڵی دەستگیرکردنیدا بەچەک رووبەڕووی هێزەکانی ئاسایش بۆوەو لە ئەنجامی بەرپەرچدانەوەدا تۆمەتبارەکە کوژرا.
بەڕێوەبەرایەتی ئاسایشی پارێزگای سلێمانی
11/6/2022
