تەرمی مێردمنداڵێکی ئێزدی لە بەنداوی موسڵ دۆزرایەوە

تەرمی سێیەم قوربانی لافاوەکەی دهۆک، کە مێردمنداڵێکی ئێزدییە لە بەنداوی موسڵ دۆزرایەوە. 
عەمید حەسەن خورشید بەڕێوەبەری گشتیی بەرگریی شارستانیی دهۆک، رایگەیاند: لە بەنداوی موسڵ، تەرمی مێردمنداڵێکی 16 ساڵی ئێزدی دۆزراوەتەوە بە ناوی رۆژڤان ئیدریس.
هەروەها وتیشی: ئەو مێردمنداڵە، لە 19/3/2024 بێسەروشوێن بووە و لافاو لە ناحێی خانکێ لە قەزای سێمێڵی پارێزگای دهۆک لەگەڵ خۆیدا بردوویەتی