عومەر حەسەن
مامۆستا دارا ئەحمەد سەمین بەڕێوەبەری گشتیی پەروەردەی گەرمیان لە لێدوانێكدا بۆ كوردستانی نوێ، رایگەیاند: ئێستا لیستی مووچە و ناوی وانەبێژانی هەرێم رەوانەی بەغدا كراوە، بۆ ئەوەی لە بەغداوە مووچەكانیان دابینبكرێت، ئەگەر بەغدا رەزامەندبێت لەسەر ئەو لیستە، راستەوخۆ بڕیاری بەگرێبەستبوونیان دەردەكرێت.
راشیگەیاند: تائێستا هیچ بڕیارێكی رەسمی نەدراوە كە حكومەتی عیراق دەچێتە ژێرباری دابینكردنی ئەو بڕە پارەیەوە، یان نا، بەڵام هەوڵەكان دڵخۆشكەرن، دەشڵێت: پێویستە بە هەموومانەوە هەوڵی جدی و زیاتر بدەین بۆ ئەوەی ئەم پرسەش، وەكو هەموو كێشەكانی دیكە لەگەڵ بەغدا چارەسەر بكرێت.
