لە نزیک شاری هەولێر، بەشێک لە زەوی جووتیارانی سنوورەکە سووتا و بە هۆیەوە زیانێکی گەورە بەر بەرهەمی گەنمی ناوچەکە کەوت.
لەو بارەیەوە شاخەوان سەعید وتەبێژی بەرگری شارستانی هەولێر، رایگەیاند: لە سنووری قەزای قوشتەپە لە پارێزگای هەولێر، چەند پارچە زەوییەکی کشتوکاڵی سووتا.
هەروەها وتیشی: رووبەری ئەو زەوییانە 381 دۆنم زەوییە، کە بە گەنم لەلایەن 19 جووتیارەوە چێنرابوو.
هاوکات ئاشکراشی کرد، بە هۆی ئاگرەوە، جووتیارێک بریندارە و تراکتۆرەکەشی بە تەواوی سووتاوە.
