لە ناحیەی قەرەهەنجیر شەڕ لەنێوان ئاسایش و گروپی تیرۆیستی داعش روویدا. بە هۆیەوە دوو تیرۆریست کوژراون و دوو ئاسایشیش بریندارن.
لەوبارەیەوە ئاڤێستا محەمەد، بەڕێوەبەری ناحیەی قەرهەنجیر، راگەیاند: بەیانی ئەمڕۆ 14/7/2024 دوو چەکداری گروپی تیرۆریستی داعش، کە ماوەیەکە هاتوونەتە سنوورەکە و ئاسایشی قەرەهەنجیر چاودێرییان دەکات، لەکاتی چاودێریکردندا تەقەیان لە هێزەکانی ئاسایش کردووە و دوو کارمەندی ئاسایشیان بریندار کردووە.
هەروەها وتیشی: لەلایەن هێزەکانی ئاسایشەوە وەڵام دراونەتەوە و هەردوو تیرۆریستەکەی داعش کوژراون.
هاوکات ئاماژەی بەوەشدا داعشەکان چەک و تەقەمەنییان پێ بووە و پێدەچێت بە نیازی کردەوەیەکی تیرۆریستی بووبن.
