.jpg)
بەشی كاراتێی یانەی پێشمەرگەی سلێمانی، بەم دواییە لە هۆڵی داخراوی یانەكەیان، پاڵەوانێتییەكی دۆستانەیان لەگەڵ تیپی یانەی سەید سادق-دا ئەنجامدا و سەرجەم یاریزانان لە تەمەنە جیاجیاكاندا بەشدارییان تیادا كرد .
ئەرسەلان مورادی راهێنەری گشتی كاراتێی یانەی پێشمەرگەی سلێمانی بۆ سایتی رەسمی یانەكەیان وتی: ئەم چالاكییەمان بە مەبەستی بەردەوامی و نەوەستانی تیپەكانمانە لە سەرجەم تەمەنە جیاجیاكاندا تا ئاستی هونەرییان دانەبەزێت.
هەروەها ووتی: ئەم جۆرە پاڵەوانێتیی و رووبەڕووبونەوانە گرنگیی زۆری بۆ یاریزانانی تیپەكانمان هەیە، پاش مەشقە بەردەوامەكانیان پێویستییان بەم پاڵەوانێتییانەش هەیە و لە داهاتووشدا لە چەندین پاڵەوانێتی تریشدا بەشداریی دەكەین.
