ئا: بادینان
بیرئانینا وەغەركرنا ستار عەلی، كادرێ دێرینێ یەكێتیی نیشتمانیا كوردستانێ، ب چەند چالاكییان دھێتە ساخكرنێ. ل رۆژا 4/9/2024ێ ل ھولا ستار عەلی و ب ئامادەبوونا هەڤال جەمال یوسف بەرپرسێ مەلبەندێ چارێ دھوكێ و ھەڤال لەتیف نێروەی بەرپرسێ بوردێ راگەھاندنا ی.ن. ك، ئەڤ چالاكییە بڕێڤەچوون.
(ئەمین شێخكی) بەرپرسێ بەشێ بیروھیشیاری بۆ كوردستانی نوێی بادینان، گوت: «ستار عەلی وەك كادرەكێ دێرین و رەوشەنبیر، نڤیسەر و ھونەرمەند، دگەلەك بیاڤاندا رۆلێ خوە گێرایە و ب ھەلكەفتا بورینا سالەكێ ل سەر وەغەركرنا وی، مە ئەڤ بیرئانینە ساخكریيە وەك وەفادارییەك ژبۆ خەباتا وی و پێشتر ئەڤ ھولە ب ھولا مەلبەندێ چارێ دھوكێ دھاتە ناسكرنێ و وەك رێزگرتنەك ل خەباتا وی، نوكە ناڤێ وێ بوویە (ھولا ستار عەلی) و دناڤ ڤێ بیرئانینێ دا، پەرتووكەك ژی تایبەت ب ژیان و خەباتا وی ھاتە ئیمزاكرن و بلاڤكرنێ.
لدوور ڤێ پەرتووكێ و ناڤەرۆكا وێ، موحسین عەبدولڕەحمان خودانێ پەرتووكێ گوت: «ناڤێ پەرتووكێ (نیگارکێشێ ب رەنگێ کەڤری)یە و پەرتووکەکێ 326 لاپەرییە ژ قەبارێ ناڤنجی و رەنگینە، ئەڤ پەرتووك تایبەتە ب ژیانناما ھونەری یا نیگاركێشێ مەزن ستار عەلی و دیسان دەربارەی رۆلێ وی وەك نڤیسكار و میدیاكار، وەكو دامەزراندنا ئێكەم كەنالێ كوردی پشتی سەرھلدانێ و دەرئێخستنا گوڤارا سەرھلدان و چەند رۆژنامە و گوڤارێن دی».
