میرزا شێخ: ب سەدان جورێن گژوگیایان ب ناڤ و وێنەڤە ل دەف من ھەنە

دیدار: بامەرنی


كارێ خوە یێ كریە لێگەرییان ل گژوگیایێن نوی و تایبەتی ژی، ئەو گژوگیایێن ل دەڤەرا شێخان هەین. هەر گژۆگیایێ پەیدابكەت، ل ناڤێ وی یێ زانستی دگەریت و مالباتا وی گیایی و چاوانییا بكارئینانا وێ و ئایا ب كوردی و ل دەڤەرێ ب چ ناڤ دھێتە ناسكرنێ و خوە ئەگەر ناڤێ عەرەبی ژی ھەبیت، مەبەستا وی، ھەر پێزانینەكێ ژێ بەرچاڤ بكەت، دبێژیت: «ئەڤە دێ بیتە بەرھەمێ من یێ پەرتووكەكێ و مەبەستا من خواندەڤان و حەژێكرێن گژوگیا پێزانینێن خوە ل سەر زێدە بكەن و ئەز بشێم ھەبوونا ڤان گیایان و جهێ شینبوونا وان ب سەلمینم». 
ناڤێ وی (میرزا شێخ)ە و ئاكنجیێ گوندێ سرێچكایە ل ناحیا ئەلقوش. دەرچوویێ كولیژا چاندن و دارستانێیە، د ھەمان دەمدا نڤیسەرە ژی و بەرھەمێ بلاڤكرییێ ھەی و مە ئەڤ پرسیارە ژێكرن.
نوكە من زێدەتری (50-60)

گژۆگییا لدەف خوە ھەنە، ناڤێ وان یێ زانستی و ناڤێ وان یێ كوردی و پێزانین ل سەر وی گژووگییایی ھەمی من یێن كۆمكرین

*ژبلی پسپورییا تە د بوارێ چاندنێ دا، ئەو چ تشتە تو كێشاییە گژوگیای و دیڤچوونێ ل سەر بكەی؟
-بەری هەمی تشتەكی ئەز گوندیمە و من ژییارا گوندیاتییێ یا دیتی. هێشتا ئەز زارۆك، دەما دگەل دایك و خویشك و ژنێن گوندی و ئەو دچوونە بێرێ، من حەزا لێگەریان ل گژۆگیایێ نوی هەبوو، حەزا من بۆ روەكێن سروشتی تشتەكێ جودا بوو، ھەر گژوگیایێ نوی كەتبا بەرچاڤێن من، دا پرسیارا ناڤێ وی كەم و من پێزانینێن باش ل سەر دروستكرن، دەمێ شینبوونا وان، ژیێ وان چەند دمینیت و ئایا حەز ژ سەرمایێ دكەن یان گەرمێ و ھندەكان كولیلك ھەبوون و ھندەكان بتنێ تۆڤ و ھندەكا بێهن هەبوون و هندەكا بێهنەكا خۆش و یێن نەخۆش و هندەكان چ بێهن نەبوون.
*ئەڤ گژوگیایێ تە پولینكرین، ئایا یێن جوانیێ نە یان بۆ خوارنێ و دەرمانان ژی بكار دهێن؟
-پێنەڤێت ئەڤ دیچڤوونە ژی من یا كری، هندەك ژ وان گژوگیا دھێتە خوارنێ و بتایبەتێ ژی ل وەرزێ بهارێ خەلك دچیتە چۆل و بەیارا وەك (تولكێ، سێبسكێ، قورادا و...هتد) و ئەڤ گیایێن هەنێ هندەك دهێنە قەلاندن و هندەك كەلاندن و یێن هەین ب خاڤی ژی دهێنە خارنێ. پێنەڤێت ئەڤ گیایێن ھەنێ ھەر ئێك بۆ دەرمانەكێ و نەخۆشیەكێ باشە و دیسان گیایێن هەین ناھێنە خوارن و سەبارەت ناڤێن وان یێن زانستی و كا ژ چ مالباتا گژوگیاینە، ھەمی من لدەف خوە یێن توماركرین. 

*چوونا تە بۆ كولیژا چاندنێ، پەیوەندیی ب حەژێكرنا تە بۆ سروشتی ڤە ھەبوو یان نە؟
-نەخێر، ئەڤە ژ حەژێكرنا من بوو ژ بۆ سروشتی ب گشتی و تایبەتی ژی گژوگیا و ل كولیژێ مە وانەیەك ھەبوو بناڤێ پولینكرنا روەكان (تصنيف النبات) و ھەمی خوێندكار ژ وێ وانەیێ درەڤین، لێ بەرۆڤاژییا وان من گەلەك حەژێدكر و ھەر روەكێ كەتبا بەرچاڤێن من، من ناسدكرن و من ناڤێن وان ژی ژبەردكرن، ئێدی ئەو گژۆگیایێ ل دەڤەرێ ژی ھەی و ئەوێن من ب دیتین، من وێنێن وان دگرتن و ئەز لدویڤ ناڤێ وان یێ زانستی دچووم و نوكە من زێدەتری (50-60) گژوگیا لدەف خوە ھەنە، ناڤێ وان یێ زانستی و ناڤێ وان یێ كوردی و پێزانین ل سەر وی گژوگیایێ ھەمی من یێن كۆمكرین و ژ حەژێكرنا من بۆ ژینگەها كوردستانێ، ئەز توڤێ وان ل وان دەڤەران ژی درەشینم ئەڤێن ئەو گژوگییا لێ دكێم و تایبەت ژی ئەڤێن بۆ خورانێ بكێر دھێن.