دیدار: هونەر
عاسیما فەخری ئێك ژ كچێن چالاكڤانێن دهوكێ یە، یوتیوبێ خوە تەرخاكرییە بۆ خواندنا پەرتووكێن كوردی. د پرسیارا مەدا، ئەو چ ئەگەر بوون كو تو پەرتووكێ بدەنگێ خوە بخوینی و بدانیە سەر ئەنتەرنێتێ، گوت: «بۆ دەمەكی من دگەل پەرتووكخانەیەكا فرۆشتنا پەرتووكان كاردكر، ئەڤێن پەرتووك دكرین بتنێ خواندەڤان بوون و پرسیارا هەردەم لدەف من دروست دبوو، ئەرێ ئەگەر كەسەك نەیێ خواندەڤا بیت یان پەرتووكا وی بڤێت بدەستن نەكەڤیت، ئەو دێ چكەت و ئەڤە بۆ من بۆ بیرۆكە و من ئەڤ یوتیوبە چێكرییە و ب دەنگێ خوە و برێكێن نوی ئەز پەرتووكان دخوینم و هەر كەسەك دشێت گوهداریێ بكەت، چ یێ خواندەڤا بیت یان خواندنێ و نڤیسینێ نەزانیت».
لدوور بەردەوامییا وێ ل سەر ڤی كاری گوت: «ئەز نووكە یا مژویلی چیرۆكێن زارۆكامە، بدەنگ بخوینم و زارۆك دشێن برێكا موبایلێ گوهێ خوە بدەنێ و دەیباب هاریكار بن دگەل زارۆكی و چیرۆك بۆ زارۆكی گەلەك د گرنگن، مێشكێ وان پێ ئاڤا دبیت و دیسان دگەل چیرۆكێ زارۆك خەوەكا خۆش ژی دكەن».
