د. كارزان محەمەد بامەڕنی
ئەڤ ئاشە دكەڤیتە هنداڤی رووبارێ (گەلیێ دهوكێ) و ئەگەر ئەم پرسیار بكەین، ئایا بوچی دبێژنێ ئاشێ جێمك؟ ژبەركو دوو كوتەلێن ئاشی برەخ ئێكڤەبوون و مێژوویا دروستكرنا وی نەهاتیە زانین، لێ لدویڤ پێزانینێن هاتینە وەرگرتن، بۆ دەستپێكا چەرخێ بوری دزڤریتن و خودانێ وێ كەسەكێ مەسیحی بوو، پاشی ئەو ئاش ژ لایێ (مەلا سالحێ جبرائیل) دهێتە كرینێ و تا سالا 1963ێ ژی ب ناڤ و دەنگترین ئاش بوو ل دهوكێ. خەلكی ژ دەڤەرێن دویر و نێزیك، وەكی (زاخو، ئاكرێ، ئامێدیێ، تەلەعفەر ... هتد) هەڤرانێن خوە دئینانە سەر ئاشی بۆ هێرانێ و ل وەرزێ زڤستانێ ئەڤ ئاشە یێ تەرخانكری بوو ژ بۆ هێرانا كونجییا بۆ تەحینێ و وەرزێ هاڤینێ بۆ هێرانا دەخل و دانی.
تا نوكە ژی بەرمایكێن ڤی ئاشی ماینە، وەكی (دیوارێ كۆتەلێ، باگوردان، دوو دنگ ژ بەری و كلسی و گێچێ هاتینە دروستكرن و جوكەك و فەرشێ نڤێژا ژ بەری هاتیە دروستكرن و دیسان چەند ئامیرێن ئاسنی وەك (گلیل، داس.... ھتد).
