ئاغەڵی زیی

د.بێستون سابوراوایی

زییەک لەلای گوندی خۆمان،
بوو بوو بە نزرگەی هەمووان..
‎ئەویش مارێکی ژەهراوی بەرگسوری هیلالئامێزی زارزلی کردبووە زێوان،
ئاغەڵی زییش بێ سێبەر و بێ دەرگەوان
‎هەر رۆژە منداڵی ماڵێک دەبووە قوربانی 
‎پیرەزیی و مارپێوەدان..
‎رۆژگار هات و رۆژگار رۆیی،
ماڵێک نەما لەناو گونددا نەگێڕێ 
ئاهەنگی گریان
‎هەتا شەوێک لەگەڵ کازیوەی بەربەیان
‎،ئەسپێکی یاڵ سەوز حیلەی دا و 
‎خەڵکی گوندیی بەدوای کەوتن، تیژ وەک سرتەی تیری کەوان
‎کڵپەی دەروونیان کردە گڕ
‎مار و ئاغەڵیان پێ سووتان!!!