عەلی مستەفا ئۆرەماری
کارناما مە وەک سەرۆکێ لیستێ، کۆرتکریێ کارنەمەیا لیستا یەکێتی (ژمارە 129)ە. پرسگرێکێن کۆ ڕەهندەکێ ناوچەیی پێڤە دیارە و وەک کێشەیێن ئێمناهیێ و پرسێن ئابۆری، مە جهێ ڤان دوو مژارا د بەرنامێ خۆدا یێ چێکری کۆ بشێین داکۆکیکەرێن سەرسەخت بین ل ناڤەندا پەرلەمانی و بەرڤانیێ ژێ بکەین. لسەر پرسێن ئێمناهیێ و دەستێوەردانێن لەشکەرکێشی یا تورکیا، کۆ بسەدەمێن وێ چەندین گۆند هاتینە چۆلکرن و زیانێن مەزن ب وەلاتیێن گۆندێن دەڤەرێن بەرواری باڵا و نەهلێ و نێروە و رێکان و بەرێ گارێ کەفتینە و برێکا پەرلەمانی و دادگەها فیدرالی، داخازا ڤەکێشانا هێزێن تورکیا و داخازا قەرەبووکرنی بۆ وان گۆند و گۆندیێن زیان بەرکەفتین بکەین. لسەر پرسێن گەندەلیێن ئابۆری، دهۆک ل رێژا ئێکێ دھێت بۆ هەژاریێ و بێکاریێ لسەر ئاستێ و بدیتنا مە بەشەکێ ڤان گرفتان ڤەدگەریێت بۆ ب حزبیکرنا هەمی دەروازەیێن سنوری و داهات ناڤەگەریێتە خەزینا حکۆمەتێ.
رۆندك حه‌سه‌ن به‌رگاره‌یى
ئه‌ز پارێزه‌ر (رۆندك حه‌سه‌ن به‌رگاره‌یى)مه. ئه‌ز پارێزه‌رم ل دادگه‌ها دهوكێ و من دناڤ رێكخراوێن كومه‌لگه‌هێ مه‌ده‌نیدا كاركرییه. ژ پرۆژێن من یێن سه‌ره‌كى دناڤ په‌رله‌مانیدا، ئه‌گه‌ر من شییا باوه‌رییا ده‌نگده‌رى بده‌ستڤه بینم، بابه‌تێ گه‌نجان دێ گرنگییێ ده‌مێ و ئه‌ز وه‌ك گه‌نجه‌ك و كارێ من چ ل دادگه‌هێ بیت یان ژی كارێ رێكخراوه‌یی ئه‌ز دزانم كێشێن گه‌نجان چه‌ند زورن و ته‌خه‌كا په‌راێزخستییه و گه‌نج ئه‌ڤرو یێ بێكاره و گه‌نج هێزه بۆ هه‌ر وه‌لاته‌كى و مخابن گه‌نجێ مه یێ بوویه بارگرانى ژبۆ خێزانا خوه شووینا ئه‌و خێزانێ برێڤه ببه‌ت و ئه‌ڤه ژی برێكا قه‌رزێن بچویك و پێشخستنا كه‌رتێ تایبه‌ت و ئاڤاكرن و پێگه‌هاندنا گه‌نجى دێ بده‌ستڤه‌هێت، چاوان دێ گه‌نجى پرۆژێ خوه یێ تایبه‌ت هه‌بیت و دیسان بابه‌تێ ساخله‌میێ و نه‌خوشخانێن حكومی كوم خابن بۆ نه‌شته‌رگه‌ریێن بچویك ژی به‌رێ نه‌خوشی بۆ نه‌خوشخانێن ئه‌هلی دهێته‌دان و دێ چاوان شێن ڤی كه‌رتی پێشئێخین.
ڤەژین بەرواری
ئەز وەك كاندیدا (لیستا ژمارە 129) یا یەكێتی نیشتیمانی كوردستان، من باوەرییا ب دادوەریا جڤاكی هەی و ئەز دێ هەمی بزاڤێن خوە ئێخمە كاری، یەكسانی دناڤبەرا هەمی تەخێن جڤاكیدا وەك ئێك بیت و داهات بۆ هەمیان بیت و ژ كارێن من یێن سەرەكی دناڤ پەرلەمانێ كوردستانێدا، ئەز دێ ل سەر نەھێلانا توندوتیژییا دژی ژنان كاركەم و ژن ببنە خودان داهاتێ خوە و بابەتێ گەنجان، كو مخابن گەنجێ مە نوكە چ ئومێد ب ئایندێ خوە نەماینە و دڤێت بهەر رەنگەكێ هەبیت، ئەو ببیتە خودان كارێ خوە و خودان پرۆژەیێ خوە و ژ كارێن من، بابەتێ ساخلەمیێ و نابیت نەخوشخانێن حكومی بڤی رەنگی سەرەدەریێ دگەل نەخۆشی بكەن و بۆ نەشتەرگەریێن بچیك ژی، بەرێ وان بدەنە نەخۆشخانێن ئەھلی و بابەتێ خزمەتگوزارییان و هاتن و نەهاتنا موچەی و بابەتێ خێزانێن كێم دەرامەت و خوشكرنا ژیانا وان، دێ ژكارێن من یێن بەراھیێ بیت.
سامر رەشید سالح گۆران
ب شانازیڤە ئەز ئێك ژوانم، یێن من ل سەر لیستا 129 یا یەكێتی نیشتیمانی كوردستان كاندیدكری و چاوان ل سالێن بوری مە بۆ (2) حكومەتا هەرێما كوردستانێ وەرگرتبوو و مە بەرنامێ كارێخوە دروست جێبەجێكر، نۆكە ژی بهەمان هەناسە وەك سەرۆك (بافل تالەبانی) گوتی ئەم دێ بەرنامێ كارناما خوە ب كردار جێبەجێكەین، كو خەلكێ هەرێما كوردستانێ ب یەكسانی ژێ مفادار بیت و هاولاتیێ خوە ژ قەیرانێن ئابۆری و زێدەكرنا باجێن ژ تاقەتا وی زێدەتر رزگاركەین و ئەم وەك كاندیدێن یەكێتی نیشتیمانی، ئاخفتنا مە كردارە و ئەوا ئەم دبێژین دێ بكردار جێبەجێكەین و كارێ مە یێ سەرەكی دناڤ پەرلەمانیدا، دێ نەھێلانا نەدادپەروەریێ بیت و دادگەھـ ئازاد بن و ئەڤ هەلبژارتنە دێ دەركەفتنا روویێ راستەقینە بیت، پشتی دەنگێن سەختە و دەنگێن كەسێن مری دكەفتنە دناڤ سندوقاندا و پێكئینانا حكومەتا ڤێجارێ دێ یا جودا بیت و ئێدی تاكە حزبەك بتنێ نەشێت هەمی بریاران بگریتە دەست.
رقیب محمود
كارێ من چ وەك رۆنامەڤان چ وەك چالاكڤانێ مەدەنی ل سەر ئاستێ دەڤەرێ یان هەرێمێ یان دەرڤەی وەلاتی، ئەز كێشامە ھندێ خوە ل سەر لیستا 129 یا یەكێتی نیشتیمانی كوردستان كاندید بكەم. كارنامەیا من یا كاری، دێ ل سەر جێبەجێكرنا جارنامەیا مافێن مرۆڤی و مافێ ئازادیا رادەربرینێ بیت و دێ هەمی بزاڤێن خوە ئێخمە گەر، جورە دادپەروەریەك دحوكمرانیێدا پەیدا بیت، هەمی پێكڤە ژێ مفادار بن، دادپەروەری د داهاتیدا هەبیت، ئەڤ خێرۆبێراتێن هەین بۆ هەمییان پێكڤە بن و ب یەكسانی ل سەر هاولاتییان بھێنە دابەشكرنێ و ئەڤێن هەنێ ژی پەیدا نابن، ئەگەر حوكمرانییا مە هەر وەكی خوە بمینیت و گیرۆكرنا مووچەی یا بەردەوام بیت و خەلكێ گوندێن سەرسنوری بەردەوام ل بەر گەفێن توپا بن و ژ گوندێن خوە و مالێن خوە د ئاوارە و دەربەدەر بن و دا كو ئەڤ گوھورینە دروست بن، مە باوەرییا ب (لیستا 129)، هەیی ئەو ب كریار دێ ڤێ چەندێ كەت.
