توركیا وەڵامی ئیسرائیل دەداتەوە
دوای ئەوەی وەزیری دەرەوەی ئیسرائیل لە پۆستێكی سۆسیال میدیادا هێرشی كردە سەر سەرۆک كۆماری توركیا و تۆمەتباری كرد بە تەسلیمكردنی توركیا بە ئیخوانچییەكان و كۆتاییهێنان بە ئەتاتوركچێتی، وەزارەتی دەرەوەی توركیا لە بەیاننامەیەكدا بە توندی هێرشی كردە سەر ئیسرائیل و كاتز وەزیری دەرەوەی ئیسرائیل و هیوای خواست بە زووترین كات لەبەردەم دادگادا بیبینن بەتاوانی قەتلوعامی فەلەستینیەكان.
لە بەیاننامەكەدا ئاماژە بەوە كراوە كە كاتز پۆستێكی تری بوختانكاریی كردووە كە توركیا و ئەردۆغانی كردووەتە ئامانج، وەكو هەوڵێكی شەڕی سایكۆلۆجی و گۆڕینی ئەجێندا و تیایدا تەئكیدیش لە بەردەوامبوونی پشتیوانیی توركیا بۆ فەلەسنینییەكان كراوەتەوە.
لە توركیا 15ملیۆن نەخۆشی دەروونی هەیە
د. دیلێك یەشیلباش، پزیشكی دەروونی رایگەیاندووە، زیاتر لە 15 ملیۆن كەس لە توركیا تووشی نەخۆشی دەروونی بوون، وتیشی: «ئەمە تەنها نووكی شاخی سەهۆڵینە» وەكو ئاماژەیەك بۆ ئەوەی ژمارەكە زۆر لەوە زیاترە.
پزیشكەكە سەرنجی راكێشاوەتە سەر ئەوەی كە دایك و باوكی نەوەی نوێ گلەیی لە پەیوەندییەكان دەكەن! ژنانیش بۆ دڵەڕاوكێ دەچنە لای پزیشكانی دەروونناس و پیاوانیش بۆ خۆشەویستی.
زینەتی كۆجابایكیش پزیشكی دەروونی رایگەیاند، بەپێی خەرجییە تەندروستییەكان و جۆری نەخۆشییەكان كە نەخۆشییە دەروونییەكان لە توركیادا لە پلەی دووەمدان.
د. دیلەك یەشیلباش ئاماژەی بەوەشداوە كە وا زانراوە لە توركیادا زیاتر لە 15ملیۆن كەس تووشی نەخۆشیی دەروونی بوون، بەڵام لە راستیدا ئەم ژمارەیە تەنها نوكی شاخی سەهۆڵینە، چونكە لەم ساڵانەی دواییدا بە شێوەیەكی بەرچاو نەخۆشیی دەروونی زیادیكردووە. وتیشی: «پێدەچێت باوترین نەخۆشییە دەروونییەكان بریتی بن لە خەمۆكی، نەخۆشیی دڵەڕاوكێ، نەخۆشیی وەسوەسەی ناچاریی و نەخۆشیی دوو جەمسەری».
دكتۆر یەشیلباش دەشڵێت: «زۆرێك لەو نەخۆشانەی كە نەخۆشیی دەروونییان هەیە، لە كلینیكە جیاوازەكاندا وەرگیراون كە ئازاری درێژخایەن (فای برۆمیالجیا)، سەدەف، ئەكزیما، كۆكەی درێژخایەن، قەبزی و سكچوونی بەردەوام، ترس لە مردن، نیگەرانی جەڵتەی دڵ و رەقبوونی پشت و شانیان هەیە.
ئیسرائیل خانوو و زەوی لە توركیا دەفرۆشێت
ئیسرائیل كە هەڵمەتێكی بە نەخشەیەكی چەتەیی دەستیپێكردووە و لەلایەن كارگێڕانی ئیسرائیلەوە بە هاوبەشی دەكرێت، ئەو زەوییانەی توركیا لەنێویاندا وەك «بەڵێنی خودا» و «میراتێكی باوباپیران» دەخاتە بازاڕەوە.
بەپێی رۆژنامەی تورکیا «گەزەتە سی» ئیسرائیل هەڵمەتێكی سەبارەت بە فرۆشتنی خانوو و زەوی لەو زەوییانەدا دەستپێکردووە كە پێی دەوترێت بەڵێندراوەكان و لە نێویاندا توركیا. بە هەڵمەتی هاندان بۆ بەرزكردنەوەی پلە كە لەلایەن وەزارەتی راگەیاندنی ئیسرائیلەوە پشتگیریی لێدەكرێت، هەموو جولەكەكانی دەرەوەی ئیسرائیل بانگهێشت دەكرێن كە «خانوویەك، كێڵگەیەك، زەوییەكیان لە خاكی پیرۆزدا هەبێت». ئەو زەوییانەی سەر بە موسڵمانانن، بە «بەڵێنی خودا» و «میراتی باوباپیران» دەخرێنە بازاڕەوە لەگەڵ ئەو هەڵمەتەی كە لەسەر نەخشەی چەتەیی دەستیپێكردووە، كە زۆرجار لەلایەن کاربەدەستانی باڵای ئیسرائیل و بەتایبەتی بنیامین نەتانیاهو، سەرۆك وەزیرانی ئیسرائیلەوە هاوبەش بووە.
وێنە و دیمەنەكانی خانوو و ناوچەكان بە دوو زمانی ئینگلیزی و عیبری ئامادەكراون. ئەو چالاكییانەی كە لە رێگەی كەنیسەی جولەكەكان و رێكخراوە ناحكومییەكان و دامەزراوە داراییەكانەوە ئەنجام دەدرێن لە رێگەی ئینتەرنێتەوە بڵاودەكرێنەوە.
ئەو زەویانەی لە برووشەرەكاندا كە بە دیمەنە سروشتییەكانی وەك شاخ و دارستان و دەریا ئامادەكراون، لە وڵاتانی ئیسلامی هەڵبژێردراون، بانگەشەیان بۆ كراوە، بە «بەهەشتی سەر زەوی» وەسف دەكرێن.
سەرۆكی پێشووی مەجلیسی توركمانەكانی سوریا كە ساڵانێكی زۆر لە لوبنان نیشتەجێ بووە، دەڵێت: «رژێمی زایۆنی لە ئێستاوە لوبنان وەك خاكی خۆی دەبینێت». بەڵام ئەم پڕوپاگەندەیە تەنیا لە لوبنان سنووردار نییە، ئەوان توێژینەوەی هاوشێوە بۆ عیراق، ئوردن، میسر، لوبنان و سوریا دەکەن، لەنێویاندا توركیاش.
ئەو جینۆسایدەی ئێستا لەبەرچاوماندا روودەدات، شەڕێكی تەواو ئایینی و ئارەزوومەندانەیە. ئێمەی خەڵكی ناوچەكە، بە توركیشەوە لەبەردەم گەورەترین هەڕەشەی مێژووییداین. «زایۆنییەكان» ناوەستن. ئەوان لە ئێستاوە لوبنان وەك «ئێمە داگیرمان كردووە» دەبینن. وتیشی: «ئەوكاتە ئەو هەنگاوە بەناوبانگەی كۆریدۆری داڤید كە درێژدەبێتەوە بۆ جۆلان و قامیشلۆ دێت».
حافز رایگەیاندووە دوای غەززە و كەرتی خۆرئاوا و لوبنان، پلانیان هەیە ببنە ئەو دەسەڵاتەی كە راستەوخۆ یان ناڕاستەوخۆ ئیدارەی جۆلان و سوریا و عیراق و توركیا دەكات بە گەمارۆدانیان بە هەمان تاكتیك. ئەوان ئەمە وەك «فەرمانی خودا» دەبینن.
