بەبڕی زیاتر لە سێ ملیار دینار کارەبای نیشتمانیی دەگەیەنرێتە ژمارەیەک گوندی سنووری گەرمیان.
سەرچاوەیەک لە بەڕێوەبەرایەتی گشتی کارەبای گەرمیان بەکوردستانی نوێی ڕاگەیاند: حکومەتی هەرێمی کوردستان رەزامەندی لەسەر خەرجکردنی بڕی سێ ملیار و زیاتر لە 627 ملیۆن دینار دەربڕیوە بۆ جێبەجێکردنی پڕۆژەیەکی بواری کارەبا لە گەرمیان.
وتیشی: پرۆژەکە خۆی لە گەیاندنی تەزووی کارەبای نیشتمانی بۆ 25 گوندی سنووری ئیدارەی گەرمیان دەبینێتەوە.
یادگار عەلی
