سەرچاوەیەکی باڵا لەناو یەکێتیی نیشتمانیی کوردستان راگەیاند: نزار ئامێدی، کە لە ٣ ی کانوونى دووەمى ٢٠٢٢ ەوە لەسەر پشکى یەکێتیی نیشتیمانیی کوردستان بووەتە وەزیرى ژینگەى عیراق، دەستی لەکارکێشاوەتەوە و خۆی بۆ کاری حیزبی تەرخاندەکات و وەکو لێپرسراوی مەکتەبی سیاسیی یەکێتی لە بەغداد دەستبەکاردەبێت.
سەرچاوەکە دەڵێت ، نزار ئامێدى، پێشتر بەڕێوەبەرى نووسینگەى سەرۆک کۆماری عیراق بووە و دەستلەکارکێشانەوەشى لە پۆستى وەزیرى ژینگە و خۆتەرخانکردنى بۆ کارى حیزبى یەکێکە لە راسپاردەکانى کۆنگرەى پێنجەمى یەکێتیی نیشتمانیی کوردستان.
