پاش چاوەڕوانییەكی زۆر، دواجار خولی نایابی تۆپی پێی یانەكانی عیراق دەستیپێكرد، هەردوو تیپی یانەكانی پێشمەرگەی سلێمانی و گازی باكوور لەم خولەدا بەشدارن و لە یەكەم تاقیكردنەوەشیاندا سەركەوتوو نەبوون و پێشمەرگە بە جۆلان دۆڕا و گازی باكووریش لەگەڵ مەسافی یەكسان بوو.
تیپی تۆپی پێی 20 یانەی سەرتاسەری عیراق بەشداریی ئەم خولە دەكەن، سیستمی یارییەكان خولێكی دوو قۆناغە، كاروانی یارییەكانی خولەكەش رۆژی سێشەممەی رابردوو 22 - ی ئۆكتۆبەر كەوتۆتە رێگا، تەواوی ئەنجامی یارییەكانی هەفتەی یەكەمی ئەم خولەی یانەكانی عیراق بەمشێوەیەی لای خوراەوە بوون:
*جۆلان 2 × 1 پ.سلێمانی.
*مەسافی 1 × 1 گازی باكوور.
*ناسریە 1 × 0 موسڵ.
*ئیتیساڵات 0 × 0 مەیسان.
*ئەلحوسێن 0 × 1 ئەلفەهد.
*عەفەك 1 × 1 سەناعاتی كارەبایی.
*غەراف 0 × 0 كازمییە.
*مەسافی باشوور 1 × 1 رومادی.
*نەوتی وەسەت 0 × 0 بەحری.
