یەکێتیی ناوەندیی تۆپی سەرمێزی عیراق پاڵەوانێتی تۆپی سەرمێزی بۆ یانەکانی عیراق لە سلێمانی دەستپێکردووە، ئەم پاڵەوانێتیە بۆ ئاستی تەمەنە جیاجیاکانی کوڕان و کچانە، رۆژی پێنجشەممەی رابروو دەستیپێکردووە و ئەمڕۆ یەکشەممە 27/10/2024 کۆتایی دێت.
ئەم پاڵەوانێتییە تەواوی قوتابخانە و فێرگە و یانەکانی عیراق تیایدا بەشداریی دەکەن، یەکێتی تۆپی سەرمێزی یانەکانی عیراق نوسراوی رەسمی بۆ سەرجەم یانەکانی عیراق کردووە، مەرجی بەشداریکردنی یاریزانان دەبێت پێناسەی کارتی نیشتمانی یان پاسپۆرتیان هەبێت بۆ سەلماندنی تەمەنەکان.
