دوای دوورخستنەوەی ئێریك تین هاگ لە ئەركی راهێنەرایەتی یانەی مانچێستەر یونایتد، دەنگۆیەكی بەهێز هەیە كە چاڤی هێرناندێز، یاخود گاریس ساوسگەیت ئەركەكە وەربگرن.
مانچێستەر یونایتد لە دوایین هەشت یاریی لەسەرجەم خول و پاڵەوانێتییەكان تەنیا سەركەوتنێكی بەدەستهێنا، ئەوەش بووە هۆكارێك بۆ دوورخستنەوەی ئێریك تین هاگ لە پۆستی راهێنەرایەتی.
میدیاكانی بەریتانیا ئاماژە بەوە دەكەن، ئیدارەی شەیتانە سوورەكان چاویان لە دوو راهێنەرە بۆ وەرگرتنی ئەركی راهێنانی یانەكەیان، ئەوانیش چاڤی هێرناندێزی راهێنەری پێشووی یانەی بەرشلۆنە و گاریس ساوسگەیتی راهێنەری پێشووی هەڵبژاردەی ئینگلتەرایە.
