كێم زارۆك و قوتابی هەنە، ئەگەر هەر ئێكی ئامیرەكێ ئەلەكترونی یێ تایبەت بخوەڤە یێ هەی، چ ئەو ئامیرە موبایل بیت یان ئایپاد و لاپتوب بیت و ژبلی یاریێن دی یێن ئەلەكترۆنی و ژبلی كو ژ لایێ تەندروستیێ ڤە ڤان ئامیران زیانێن خوە هەنە، لێ ل قوتابخانێ ژی رەنگڤەدانەكا خراب ل سەر ئاستێ فێربوونێ یێ قوتابی دكەت و دا ژنێزیك بزانین، خرابییا ڤان ئامیران ل سەر ئاستێ زانستی یێ قوتابی تا چ راددەیە، دگەل مەدا ماموستا (هەیفا زێبارێ) كو دبینیت ئەڤان ئامیران زیانێن مەزن گەھاندینە قوتابی.
دیدار: رۆژڤان
زیانێن ئەنترنێتێ دكێم نینن، قوتابی نەشێت دەمێ خوە دابەش بكەت و دێ چاوان شێت وانێت خوە یێن قوتابخانێ و ئەركێ مالێ جێبەجێكەت
ركابەریی یێ دروست دبیت
*سەرەرای بكارئینانا ئامیرێن ئەلەكترۆنی و باشی و خرابییا وان، لێ تو وەك ماموستایەك زیانێن ڤان ئامیران ب مەترسی ل سەر ئاستێ قوتابی دبینی، دێ زانین ئەگەر چنە؟
-رۆژانە ئەز ڤێ چەندێ تێبینی دكەم، زیانێن ئەنترنێتێ دكێم نینن، قوتابی نەشێت دەمێ خوە دابەش بكەت و دێ چاوان شێت وانێت خوە یێن قوتابخانێ و ئەركێ مالێ جێبەجێكەت و گەلەك قوتابی یێن ئالوودە بووین و دڤێت رۆلێ دەیبابان ژی دڤێ چەندێ دا هەبیت، كو دەمەكێ رێكخستی بۆ زارۆكێن خوە دیار بكەن دناڤبەرا وانێن وان یێن قوتابخانێ و دیسان بكارئینانا ڤان ئامیراندا.
*سەرەرای زیانێن ڤان ئامیران، تو نابێژی مفایێن خوە ژی یێن هەین؟
-ئەڤە بۆ تەمەنێ زارۆكی دمینیت و ئاستێ وی یێ پێگەھشتنێ، پێنەڤێت ئەگەر كەسەكێ پێگەھشتی بیت و دەمەكێ گونجای بۆ خوە دانیت بۆ بكارئینانێ، دێ مفایێن خوە هەبن، لێ بەروڤاژی و هەر دەمێ وی ڤییا و ئالوودە بیت، ئەڤە دێ زیانێ ل تەندروستییا وی ژی كەن و جورێ پەیوەندیێن وی دگەل خێزانێ بخوە و دیسا پەروەردە و فێركرنا وی ژی.
*تە چ شیرەت بۆ دەیبابان هەیە؟
-بتنێ زیانێن ڤان ئامیران بزانن ل سەر زارۆكێ وان و تەندروستی و ئاستێ وان، ئەگەر دەمێ وان هەمی ل سەر ڤان ئامیران دەرباز بوو، زارۆك ژی دێ چاڤ ل وان كەت و دیسان دڤێت وان ئاگەھی ژ زارۆكێن خوە هەبیت و بۆ دەمەكێ دەستنیشانكری دانن، نە هەر گاڤا زارۆكی ڤییا ڤان ئامیران بكاربینیت.
