لە هەفتەی یەکەمی خولی نایابی کوردستاندا

سەیدسادق خاڵێکی بەنرخی لە هەولێر سەند

ژینۆ ئیبراهیم

رۆژی پێنجشەممەی رابردوو 7/11، کاروانی یارییەکانی خولی نایابی تۆپی پێی یانەکانی کوردستان کەوتەڕێ و لەیەکەم رۆژی یارییەکاندا سێ یاریی کران.
شەقڵاوە لە یاریگای خۆیدا یەکسان بوو، دەربەندیخان -یش لە یارگای خۆیدا دووچاری دۆڕاندن هات و شێروانەش لە هەندرێن -ی بردەوە.
دووەم رۆژی خولەکەش هەینی 8/11،  سێ یاریی تر بەڕێوە چوون، ئاکرێ لە یاریگای خۆیدا لە چوارقوڕنەی بردەوە، رانیەش لە برایەتی و رزگاریش لە زاخۆی بردەوە، رۆژی شەممەی رابردووش دوا یاریی ئەم هەفتەیە کراو تایدا سەید سادق لە نێویاریگا و هاندەرانیدا لەگەڵ هەولێر یەکسان بوو، هەروەها یاری نێوان برایەتی و ئاراراتیش نەکرا بەهۆی ئەوەی ئارارات لە خولەکە پاشەکشەی کردووە.
ئەنجامی یارییەکانیش بەم شێوەیە بوون:
*ئاکرێ            4 × 3     چوارقوڕنە.
*شەقڵاوە         2 × 2     پ.هەولێر.
*رانیە             1 × 0      برایەتی.
*شێروانە         2 × 1       هەندرێن.
*رزگاری          3 × 1      زاخۆ.
*دەربەندیخان  1 ×  2         پیشەسازی.
*سەید سادق   1 × 1           هەولێر.