لەنێوان رۆژانی 31/10 تا 2/11/2024 لە بەغدا و بەسەرپەرشتیی یەكێتیی نیشانشکاندنی عیراق، پاڵەوانێتییەكی نیشانشكاندن بۆ یاریزانانی یانەكانی عیراق بەڕێوەچوو.
ئەم پاڵەوانێتییە تایبەتی بوو بە كوڕان و كچان، 138 یاریزانی نیشانشكێنی 45 یانەی سەرتاسەری عیراق بەشدارییان كرد، پێشبڕکێیەكانیشی لەگۆڕەپانی سەنتەری راهێنانی یەكەم لە بەغدا بەڕێوەچوو، لە نێو ئەو ژمارە زۆرەی یانە بەشدارەكاندا، دوو یانە لە شاری سلێمانی كە یانەكانی سلێمانی و كلدان بوون بەشدارییان كرد.
پاش ململانێیەكی توند لە نێوان یاریزاناندا، هەردوو تیپی كوڕانی دوو یانەكەی سلێمانی لە نێو ئەو ژمارە زۆری یانەكانی عیراقدا، توانیان دوو ئەنجامی باش تۆمار بكەن:
*لە نیشانشكاندن بە دەماچە - تیپی یانەی كلدان چوارەم بوو.
* لە نیشانشكاندن بە تفەنگ - تیپی یانەی سلێمانی پێنجەم بوو.
پەیجی رەسمیی یەكێیی نیشانشكاندنی عیراق
