یاریی شه‌وی یه‌كشه‌ممه‌ی رابردووی بارسیلۆنا به‌رامبه‌ر ریاڵ سۆسیداد، بۆته مایه‌ی سه‌رنج و توانجی زۆری كه‌ناڵه‌كانی راگه‌یاندنی جیهان به‌گشتی و ئیسپانیا و كه‌ته‌لۆنیا به تایبه‌تی.
باس و خواسی سه‌ره‌كی له‌سه‌ر ئه‌و ئۆفسایده‌یه كه ژوری ڤار له‌سه‌ر لیڤاندۆڤسكی حسابیكرد و گۆڵێكی بارسایان پێ ره‌تكرده‌وه، به بیانوی ئه‌وه‌ی چه‌ند میلیمه‌ترێك له پێی لیڤا له ئۆفسایدا بووه و ئه‌م گۆڵه‌ش خاڵی وه‌رچه‌رخانی یارییه‌كه بوو بۆ ئه‌و ئه‌نجامه‌ی سۆسیداد 1-0 یارییه‌كه بباته‌وه.
جگه له‌وه‌ی كه زۆربه‌ی كه‌ناڵه‌كانی راگه‌یاندن راستی و دروستیی گۆڵه‌كه‌ی لیڤایان سه‌لماندووه، ئه‌وه‌شیان سه‌لماندووه ئه‌و چه‌ند ملیمه‌تره‌ی پێڵاویش كه ره‌ش كراوه گوایه پێی لیڤایه، ده‌ركه‌وتووه ئه‌وه پێی نایف ئاكردی به‌رگریكاره‌كه‌ی سۆیداده نه‌ك لیڤا.
جگه له‌وه، ئه‌م ناوبژیوانه‌ی یارییه‌كه هه‌مان ئه‌و ناوبژیوانه‌یه كه یاریی ئۆساسۆناو بارساشی به‌ڕێوه‌برد و بارسا ئه‌و یارییه‌شی دۆڕاند و بارساش ئه‌مساڵ ته‌نیا ئه‌م دوو دۆڕاندنه‌ی هه‌یه.
ئێستا كاریكاتێر و وێنه‌یه‌كی زۆری ته‌نز ئامێز له‌گه‌ڵ راستی وێنه‌كان بڵاو كراونه‌ته‌وه، یه‌كێك له رۆژنامه‌كان نووسیویه‌تی (له‌وه ده‌چێت لیڤانۆڤسكی له‌م یارییه‌دا پێڵاوی ره‌قه‌م 70 ی له‌پێدا بوو بێت)، یه‌كێك له سایته‌كانیش بۆ ناوبژیوانی نووسیوه: ته‌نیا 2 سه‌عات به‌ڕێزبه، سایتێكی تریش به‌ناوی (433) نووسیویه‌تی :ئه‌م ئۆفسایده له‌ده‌ره‌وه‌ی هه‌موو یاساكانی ئۆفسایده، ڤیكتۆر لۆرانزۆش كه رۆژنامه‌نووسێكی ئیسپانیایه، ده‌ڵێت: هه‌رگیز رێگه ناده‌ن بارسا نازناوی پاڵه‌وان بباته‌وه، ئه‌م ئۆفسایده‌ش به‌ڵگه‌یه.
