دوێنێ، سەعدی ئەحمەد پیرە وتەبێژی ی.ن.ك لە هەولێر، پێشوازیكرد لە ئەندرو بیزلی كونسوڵی گشتیی شانشینی یەكگرتووی بەریتانیا لە هەرێمی كوردستان.
لە دیدارێكدا، سەعدی ئەحمەد پیرە تەئكیدی كردەوە كە كۆمەڵانی خەڵكی كوردستان لایەنە سیاسییەكانیان خستەژێر بەرپرسیارێتییەكی گەورە بۆ پێكهێنانی پەرلەمان و حكومەتێكی كارا بە ئامانجی زیاتر فەراهەمكردنی خۆشگوزەرانی و ئاوەدانی.
كونسوڵی گشتیی شانشینی یەكگرتووی بەریتانیاش رایگەیاند: گەل و حكومەتی بەریتانیا بە چاوی بایەخپێدانێكی گەورەوە دەڕوانێتە هەرێمی كوردستان و پێگەكەی لە ناوچەكەدا.
