نەیشنس لیگ گەیشتە قۆناغە گرنگەكە

لەم هەفتەی فیفایەی دواییدا، سەرجەم یارییەكانی قۆناغی گروپەكان لە هەر چوار ئاستەكەی (A - B - C - D) یان خولەكانی پلە یەك تا چواری نەیشنس لیگ كۆتاییانهات، لە ئاستی A دا، كە هەڵبژاردە بەهێز و ناودارەكانی ئەوروپا بەشداریی تیادا دەكەن، دوا ریزبەندیی هەر چوار گروپەكە دەركەوت و ئەو 8 هەڵبژاردەیەش دەركەوتن كە یارییەكانی قۆناغی دووەم دەكەن.
قۆناغی دووەم
لە ئاستی A یان خولی یەكەمدا، هەشت هەڵبژاردەی یەكەم و دووەمی هەر چوار گروپەكە دەركەوتن، قورعەش بۆ یارییەكانی قۆناغە نوێیەكەش كرا، مانگی مارسی ئایندە 3/2025، یارییەكانی چوون و گەڕانەوەیان بەمشێوەیە دەكرێن:
یارییەكانی چوون - 20/3/2025
*دانیمارك × پورتوگال.
*هۆڵەندا × ئیسپانیا.
*كرواتیا × فەرەنسا.
*ئیتاڵیا × ئەڵمانیا.
رۆژی 23/3 یارییەكانی گەڕانەوەی نێوانیان لە یاریگای هەڵبژاردەكانی لای چەپ دەكرێن و براوەی ئەم یارییانەش دەگەنە قۆناغی چوارگۆشەی زێڕین و دوو یاریی پێشكۆتایی.