زوهێر كورەماركی
ئەڤ ئێدیەمە وی دەمی دهێتە گوتن، دەمێ مرۆڤەک زێدە یێ خەمخۆر بیت و سەرا هەر تشتەکێ شاش و نە دجهێ خۆدا تۆرە ببیت و دەما مرۆڤ بەرژەوەندیێن خوە یێن تاك ب سەر بەرژەوەندیێن گشتی دئێخیت و پێنەڤێت مرۆڤێن هوسا، ئەڤ كەسێن بتنێ بۆ خوە دژین، بەرژەوەندییا خوە یا تایبەت ب سەر هەمی تشتەكی دئێخن، مرۆڤایەتیێ ل بەر سینگا خوە نابینن و هینگێ ڤی جورە مرۆڤی چ بهایێ خوە هەیە؟ ؟ئەم نابێژین بلا مرۆڤ سەد ژ سەدێ خەمکێ خەما بیت. لێ هوسا باشە مرۆڤ بۆ ئێش و ئازارو ناڵینێن خەلکی و مرۆڤان بێشیت و مرۆڤی پێ نەخۆش بیت و ئەگەر بشێت وێ نەخوشیێ لسەر سڤك بكەت و دلێ وی خۆش بکەت، گەلەک باشترە ژ تەماشەکرنێ و بێدەنگیێ. خێزان و جڤاکێن زانا و رۆشەنبیر و پاقژ بۆ هەڤ دئێشن، ئەگەر خۆ نەشێن هاریکارییا ئێک ژی بکەن.
ئەڤ ئێدیەمە چیرۆکەکێ دناڤ خۆدا هەلدگریت، هاتییە گوتن كو مرۆڤەکێ بێقام خەمخۆڕ هەبوو، لتەڤ نەخۆشییا د غەیدی، کەس و کارێن وی هەمیگاڤا ژێ نە درازیبوون. رۆژەکێ مرۆڤێن وی گوتێ بەسە؟ مەدڤێت تۆ ژ چ تشتا نە غەیدی و خەما چ تشتا نەهەلگری؟ وی ژی گوتێ باشە، سۆز بیت ئەز ژی ئێدی خەما کەسێ نەهەلگرم و من ژی شۆلە بکەسێ نینە. جارەکێ یێ لسەر شیڤی بوو کەڤچکێ وی یێ ددەستادا، ژ نشکەکێڤە ئێکێ مالا وان ب ژوور کەفت و گۆت: ئەرێ هەوە زانییە چێلا جیرانێ مە یا زایی! بەلێ مخابن گۆلک یا بێ کوڕییە. زەلام بێقام غەیدی و بخەم کەفت و گۆت هەیلا حەیوانێ، پادێ چەوا مێشا ژ خۆ رەڤینیت؟.. مەبەست ژڤێ ڤەگێرانێ ژی، باشە مرۆڤی ئاگەه ژ دەوروبەرێن خوە هەبیت و بۆ دلگران بیت، لێ نابیت ئەو دلگرانی و ئاگەهییە ببیتە ئەگەر كو ژیانا مرۆڤی بخوە تێكبچیت و كارتێكرنێن خراب ل دەروونێ مرۆڤی و سخلەمییا مرۆڤی بكەن، یا گوتی هەمی تشت ب خوێ و خوێ ژی ب مەعنا و هەمان تشت، ئەم د باشییا هەر كەسی دا بین یێ دەستێ خوە بۆ مە درێژكر یان پێدڤی مە بوو، لێ ئەم نەبینە هەلگرێن خەمێن هەمییا.
