کۆنگریسی ئەمریکا لە بودجەی ساڵی ٢٠٢٥ی بەرگری وڵاتەکەی کە ٨٨٤ ملیار دۆلارە، بڕی ٣٨٠ ملیۆن دۆلاری بۆ عیراق و هەرێمی کوردستان و بڕی ١٤٨ ملیۆن دۆلاریشی بۆ هەسەدەو هاوپەیمانەکانی لەسووریا تەرخانکردووە.
دوای پەسەندكردنی لەلایەن ئەنجومەنی نوێنەرانی ئەمریكا، ئەنجومەنی پیرانی ئەو وڵاتەش بە زۆرینەی دەنگی كۆمارییەكان و دیموكراتەكان بەبڕی ٨٨٤ ملیار دۆلار بودچەی بەرگری وڵاتەكەی بۆ ساڵی ٢٠٢٥ پەسەندكرد.
لەو بڕە پارەی كە كۆنگرێس ئەمریكا پەسەندیكردووە بۆ بەرگری وڵاتەكەی، بڕی زیاتر لە ٣٨٠ ملیۆن دۆلاری بۆ عیراق و هەرێم تەرخانكردووە، لەو بڕەش 57 ملیۆن دۆلاری بۆ پێشمەرگەیە، هەروەها نزیكەی ١٤٨ ملیۆن دۆلاری بۆ هەسەدە و روبەروبوونەوەی داعش لە سوریا تەرخانكردووە بە ئامانجی بەردەوام بوون لە شەڕی داعش.
