ئا: بادینان
لدویڤ داخوازیێن بەردەوام یێن چەند لایەنێن ئێزدی ل وەلاتێ ئەلمانیا، ل رۆژا 16/11/2024ێ پەرلەمانێ ئەلمانیا رازیبوونا خوە دەربری ل دوور چێكرنا سومبلێ جینۆسایدا ئێزدیان ل ئەلمانیا و ئەڤ مونومێنتە دێ ب پشتەڤانیا وی وەلاتی هێتە دروستكرن و دوو لیژنە بۆ بجھئینانا پرۆژەی هاتینە پێكئینان. لدویڤ هەوالەكێ كەنالێ سەما كو تایبەتە ب ئێزدیانڤە، كو ئەڤ هەوالە بلاڤكری، سەرۆكێ ناڤەندا شێوەرمەندیا ئێزدیان راگەهاندیە، كو دانانا ڤێ مونومێنتێ ب رێكەفتنا هەموو رێكخراوێن ئێزدیان بوویە و دوو لیژنەی ژی بۆ برێڤەبرنا پرۆژەی هاتینە پێكئینان. وەك دهێتە زانین ل 3ی تەباخا 2014ێ رێكخراوا تیرۆرستی یا داعشێ، هێرشێی قەزا شنگالێ و دەوروبەرێن وێ كربوو و ب سەدان كەس كومكۆژ كرن و ب ھزاران كچ و ژنێن ئێزدی رەڤاندن و چەندین وەلاتان ئە كریارا نە مرۆڤانە ب جینوساید دانە ناسكرنێ و پەرلەمانێ ئەلمانیا ژی ل رۆژا 19/1/2023ێ كەیسا ئێزدییان ب جینۆسایدێ دایە ناسكرنێ.
