ل كۆرنیشێ پرا دەلال ل زاخۆ و وەك هەڵویستەكێ وان برێكا هونەری، ب هەلكەفتا 16 رۆژییا بەرهنگاربوونا توندوتیژیا دژی ژنان، گرۆپێ هیڤی ب بەشدارییا (22) خانمێن دەڤەرا زاخۆ، پیشانگەهەكا كارێن دەستی و پیشانگەهەكا شێوەكاری سازكرن و تێدا ڤان خانمان بەرهەمێن خوە پیشاندان و ئەڤ بەرهەمێن هەنێ چ كارێن دەستی بن یان ژی تابلۆیێن شێوەكاری بن كو دڤان تابلوییاندا ژیان دهاتە پیشاندان، توندوتیژیا بەرامبەر ژنان دهاتە پیشاندان، پەیامەك بوو كو بەلێ ژن بەشەكێ گرنگە ژ كومەلگەهی و تەمامكەرا زەلامییە د رێڤەبرنێ و ژیانكرنێدا. جهێ ئاماژێ یە كو ئەڤ چالاكییە ژلایێ رێكخراوا (imc) ە هاتبوو پالپشتیكرن و ئەڤە چالاكیا دوویێ یا ڤی گروپێ خانمانە دهێتە ئەنجامدان.
